BARANGAY SAN FERNANDO
Alicia, Isabela

STATE OF BARANGAY ADDRESS
1st Barangay Assembly Day
February 24, 2018

• Sa ating mga bisita; sa ating mga Kagawad; mga opisyal ng ating Barangay; mga Barangay Tanod; sa ating mga aktibong kabarangay…… isang maiinit na hapon po sa inyong lahat!

• Bilang inyong Punong Barangay, nakikita ko na hindi po talaga kayang tustusan ng pondo ng ating Barangay ang mga proyektong inyong iminumungkahi lalo na tuwing may assembly meeting na tulad nito.

• Gustuhin man po nating ipatupad ang mga ito ay wala tayong sapat na pondo para dito; ngunit salamat sa ating Lokal na Pamahalaan sa pamumuno ng ating butihing Mayor Ian Paul L. Dy at parating nakaalalay sa ating mga proyekto. At siyempre higit sa lahat maraming salamat sa inyong mga tulong at pakiki-isa.

• Salamat din sa ating Pangulong Rodrigo Duterte at patuloy ang kanyang pagsuporta sa mga programa ng 4P’s, PhilHealth, Senior Citizens, sa Agrikultura at iba pang gawaing pang imprastraktura.

• Sa parte naman po ng ating Barangay, hayaan ninyong ilahad ko sa inyo ang mga proyektong pinakikinabangan na natin ngayon, katulad ng stage na ginagamit natin ngayon. Ito ay natapos sa pakikipag-tulungan ninyong lahat at sa tulong ng ating butihing Mayor Ian Paul l. Dy.

• Ang improvement ng ating street lights ay patuloy at tuloy-tuloy na nadaragdagan, at kung gabi ay hindi na tayo matatakot maglakad sa kalsada.

• Ang Barangay Hall ay may bagong mukha at naka-schedule na palitan ng steel trusses ang bubong para maging typhoon proof.

• Ang road concreting at road gravelling ay priority project pa rin ng ating barangay.

• Ang pag suporta sa health services, Day Care Center at Senior Citizens ay tuloy-tuloy at patuloy na pagbubutihin sa ilalim ng aming pamamahala.

• Kaya po napakalaki ng ating partisipasyon sa pagpupulong na ito. Ang inyong mga suhestiyon o mungkahing proyekto ay makakarating sa mas nakatataas sa amin at kung feasible o karapat-dapat ay maaring pondohan ng National Government.

• Kung may napupuna kayo o may gustong malaman, “huwag mahihiyang magtanong”

• Muli Maraming salamat sa inyong pagdalo “sa Barangay nagsisimula ang pag-unlad ng bawat isa sa atin”, ipagpatuloy na Magmasid, Makisali, Makiisa sa isang Makamasang Barangay. Mabuhay ang ating Barangay! Maraming salamat at magandang araw.